مــــــــــــــــن يتحـــــــــــــــــــــــــــــــــــــــدي!!!!

السلام عليكم

انا ما انتبهت ان في منتدي فريستايلز والله وكنت نبي انراسل الاداره عشان يحطو منتدي فريستايلز لاكن طلع في منتدي فريستايلز

هذا موضوع فريستايل باتل يعني تحدي

انا مستعد انتحدي المنتدي كله

واي واحد يبي يتحدي

يتفـــــــــــــــــــــــــــــــــــــــضل

سلملم

نا نتحدك ما نترجك جاي بختله من وراك اصحا راك اطيح ونا وراك تموت مانجداك

اتحداك اكيد والموت علية بعيد

هذا حده الكلام؟

هم رجله وخشو لميدان
وانا بنت وقدر نكتب كلام
ايخلي بني ادم مش انسان
كلامي قوي ويزيد الالام
انا مريت من هنا في امان
مش عشان انتحد بس عشان نبعث سلام

ورينا ردك ياااااا عموو

ههههههههههههههههههههههههه

الرجاله كرسو والبنت طلعت
بينت انكم مش قدها وهي راسها رفعت

كلامك يزيد الألام ههه نجك لي
يا حنه عدي سوي عشاك رانا جواعا رمضان رايح قوي هههههههههه

وشكرا ع المرور يا عسل مادي
والمنتدي غامين عليه اتقول حولي يعيط في وادي

هههههههههه

مننا وفينا ريم صقع عليك

تي كلام مالاش معنه كيف حوالي ايعيط في وادي هههههههههه

انا صايمه مش في حال رد
شولات اذنوبي معاش تسد
اعلنت اليوم التوبه بجد
بس اعترف بحق كانك ند
انا بنت ماكيفي حد
اعترف بيها
فنانه وقويه وكل الساحه انا ليا
وردودي صح و مش عاديه .. والي يعاندني وين ينزل ... واجد لازم و مش اشويه
واديم الانظار في كل مكان عليا .. بره وجوه شارع و الكليه ..

منورين منورين منورين

لا واللي تقهر تضحك!!

في بنغازي ما عندكمش وادي نحنا في درنه عندنا يعني الدراونه فاهمين قصدي

مازل غير بنت تفوز علي

نا نتحداها كلها ونحرمكم من الضي

معاش تحقو النور لما تقرو كلامي

ناس كلامها واجد ما يجاوبها الا سهامي

يسطرن يخشن لعند القلب

يقتلن يخلن قدر الانسان زي الكلب

سلام

داير الراب بريه
حديقة حيوانات مش عاديه
وتبي اتنزل من قدري
احلم ماتقدر حتي شويه
مافيش داعي لمسابه
وهذا مش هنحسبه رده
اساسا مافيش داعي
ادير من الحبه ابه
انت بين جبل واوادي
وانا صقع بنت ابلدي
ومن احسن مكان بنغازي
سياره وحواله
وباركه وعماره
فرق بنغازي ودرنه
لكن كلكم هلنا

ههههه حلوه

اتقارني مدينة الخرارات بمدينة البحر
وانسيتي ان درنه عروسة الجبل الاخضر

نفتخر اني صاحب سعي كان ع الرعي فهو اشرق عمل
عمل الرسول ولي الشرف اني نرعي مافيهش خجل

وانتو بحركم اعفن من العفن
بنته خرارات اتقول كلب فيه اندفن

ونحنا اكثر ناس متحضرين
الدكاتره عندنا منتشرين

وانتو فاشلين والجهل ضاربكم
شفتي توا الفرق بينا وبينكم

وفي النهايه كلنا هل
زي ماقلتي وها كلام الكل

معقوله من جدك تقارن
بين بنغازي ودرنه
نحن المدينه وحضار
انت يلي عقلك خضار
تبق بنغازي احسن
مهم ادير ومهما حصل
درنه عروس الوادي
وبنغازي مش جو عادي
بس لنا نفس الوطن
فهمت ياولد بلدي

درنه لما اتخشيلها تشمي بنت الياسمين
بنغازي اتدوري فيها اتشوفي الناس من الخرارات معفنين هههههه

كيف اتقارني بلاد الشلال ببلاد الالخرارات
مش واحد زي ما قلتي درنه احسن في كل الحالات

انتو تحسابو ارواحكم متحضرين لاكن العكس صحيح
درنه ارض الصحابه نحنا هم الناس اللي طردو من ليبيا المسيح

احسن ناس نحنا والكل يحبنا
ممكن اتني لا لاكن الاغلبيه تودنا

عيب عليك تغلط فينا
انتم الي دوتكم شينه

معقول تقارنه بدرنه
نحن في ليبيا احسن مدينه

مدينه قصور السويسي
ومدينه البيان الاول

كل ما تسير حاجه تكون
من بنغازي يا اطول.... يا اتحول
ماعندك عليش تحكي
وعندك كيف اتقرن
اتقرن فينا بحفره فيها اتصب شويه
اميه ويا ريتها نظيفه
نبي انقولك جاجه اخره
قولي كانهي درنه احسن
ليش ايجو زي الدوده عندنه
في المساكن المعفنه
مش كيف ما تقول نحن خراره
والله عليك حاله
هي تعالي وريها ليا
والي القه عيب تاني اكويس اتحط فينا
يا ولد الجبل هههه اتقرن بينا

مع احترامي لدرنه بنت الجبل احلي مدينه

انتو لما تبو اتريحو نفسيا تجونا
ليبيا كلها تقصد درنه والجبل وعيونا

ارضنا طاهره دايسين عليها الصحابه
وانتو الانذال بس يخشولها هه ارض اللقاقه

كان انتو عندكم قصر نحنا درنه تراث وتاريخ
رجالتها قدوة البلاد حررو ليبيا بالسيوف مش بالصواريخ

واتجي اتقولي بيان اول ودرنه كانت عاصمة الاغريق
اجمل مدن ليبيا ودرنه تلاقيها فيها احسن رفيق

فيفا بنغازي وناسها
اصحابي فيها ونا عازها

قويه بس الاقوى مادي حلو كلامك

عاد نكتب ما نكتب ايجو في صفك
منتدي درنوي بحثه
زي الي في ارض يابسه يحرث
مهما يحفر حيط يطلعله
ليش نكذب خليني انقولك
خاطري نمشي لدرنه
عندي فيها وحده رفيقه
خاطري نسال عنها
لكن خليك مع الحق
درنه مش احسن من بنغازي
لو قلنا او مهما درناه
ودوتكم شينه بصرحه
تاء فوقها سكون ما شينها

ايش دخلها درنه عد وبنغازي عد في الفرستايل ابتاعكم

مزال جوله وحده ونحددو الفائز يلاا

كلام الحق يوجع وماحد يحب الخساره
انا فزت لان كلامي يحرق عالي الحراره

يلذع ماحد يقدر يواجهه واللي يعاند انخليه عاره
مش لانه منتدي دراونه طبيعي انفوز انا ما حد زيي في كل القاره

وصدقيني هذا مش مستواي هذي بس تكسيده
لاكن لو نحطك في البال مش حتحصلي فرصه وهذي اكيده

واللي عاندني بريستايل بعشره انزيده
كل شي مش في صالحه وعناده يكيده

ايش اللي يخلي بنغازي احسن من درنه
دورنا ع اللي يخلي بنغازي مالقينا وحرنا

وكان ع اللهجه نحنا اصل اللهجه الشرقاويه
لاكن انتو لهجتكم مخلطه انشك في انها ليبيه

الحروف ما تنطقوش فيهن صح زينا
نحنا كل شي انديرو فيه صح ,, الدراونه ديما ضاوي ضينا

لا مافيش شي يا D.K ومنور يا الرياضي

i say .. i say
وانا مسؤله عليه
بعيد عن مقارنه بين بنغازي ودرنه
ما في داعي لمشاكل الي في هدفها احترنا

خليني انغير الموضوع الي بدون فايده انحس
هذا لانك مسيت شي في جواجي يعنيني
هذا كلامي اندز لكل واحد يحول ياذيني
الي يجرحني نجرح .. بكلامي نذبحه
الي يحول ايزيد انيني .. بينيراني نحرقه
كلام واعر يسمعه .. ميزاني ما نوزنه
منرئف بيه لا نرحمه .. ولبنغازي حنيني
ريم وبس وهذي القصه وكل واحد يلزم لخصه
اانا بنت واه مفتخره .. والي يتحدني بكره
يلف روحه جوه بكره .. كلام قوي واجد مذخره
وعلي ليسوه عندي رد وهذا كلام تهيالي ايسد

وشكرا مادي علي احلي فريستيل انكتب
ومبروك عليك الفوز مقدمنا وبجد

انتهت مسابقه الفرستايل

بس بالنسبه لي انا ريم ومادي نفس المستوى والدرناوي مش موجود
لذ اترك الامبرطوار يحكم وشكررر ع التالق

تماديتي واجد خذيتي وقتك كله
سكرتي راسك واللي مسكر راسه نا انحله

كتبت يطور شوي ونا نقدر نكتب ستين سطر
الواحد اقوي من الثاني واللي قدامي نقتله من القهر

دورت ع اللي يقدر علي لاكن مالقيت
كلها تبي اطيحني ونا عليها كلها قسيت

الدرناوي رافع راسي كلها تحتي
كلامي الجحيم بذاته وانتي في متاهتي رحتي

كل من تحدي نزلتله مقامه
لاصق في ذهنه وكلامي كابوس احلامه

ديما مستعد لاي واحد يتحدي
نا صقع عليها كلها وكل واحد انحطله حده

وشكرا ع التحدي
ونمشي انشوف واحد اخر يطلع ضدي

انتو الاثنين نفس المستوى واديتو ادار رائع رائع جد بس لازم في فائز
الفائز هو (madii) مع احترامي ل ريم بس ومستوها الرائع جد
بس تعوضها في فرستايل ثاني شكر